"Attraksion" şirkəti 24–26 iyun 2024-cü il tarixlərində Bakı Ekspo Mərkəzində keçirilən 5-ci "Yerli Şirkətlərin Tanıtım Sərgisi"ndə iştirak etdi.

Sərgidə şirkətimiz öz fəaliyyət istiqamətlərini, istehsal etdiyi attraksion avadanlıqlarını və əyləncə məkanlarının yaradılması üzrə təklif etdiyi xidmətləri nümayiş etdirdi.

Tədbir müddətində "ATTRAKSİON" brendi 12B nömrəli stenddə təmsil olundu. Sərgi şirkətin fəaliyyətini daha geniş auditoriyaya tanıtmaq, yeni əlaqələr qurmaq və potensial əməkdaşlıq imkanlarını dəyərləndirmək üçün mühüm platforma rolunu oynadı.

Şirkət nümayəndələri tədbir zamanı ziyarətçilərlə görüşərək, attraksion avadanlıqlarının istehsalı, quraşdırılması və texniki xidməti, həmçinin əyləncə mərkəzlərinin yaradılması ilə bağlı layihələr haqqında məlumat verdilər.

"Attraksion" olaraq, müştərilərimizə müasir və təhlükəsiz attraksion sistemləri təqdim etməklə yanaşı, yerli istehsalın və innovativ əyləncə həllərinin inkişafına töhfə verməkdə davam edirik. Şirkətin əsas fəaliyyət sahələrinə attraksion avadanlıqlarının istehsalı, təmiri, quraşdırılması və sınaqdan keçirilməsi, eləcə də texniki baxış xidmətləri daxildir.